Belçikanın paytaxtı Brüsseldə baş verən partlayışlarda ümumilikdə 264 nəfər xəsarət alıb. Modern.az saytının xarici KİV-ə istinadən xəbər verdiyi son məlumatlara görə, Zaventem hava limanı ve “Maelbeek” metro stansiyasındakı partlayışlarda 34 nəfər dünyasını dəyişib, 230 nəfər isə yaralanıb.
Zaventem hava limanında eyni vaxtda meydana gələn iki partlayışda 11 nəfər ölüb, 81 nəfər yaralanıb. Hava limanındakı hadisədən sonra baş verən metrodakı partlayışda 20 nəfər ölüb, 149 nəfər yaralanıb.
Belçika Federal Prokurorluğu, Zaventem hava limanı və metro stansiyasında baş verən partlayışların hamısının intihar hücumu olduğunu açıqlayıb.
Belçika kanalı VTM-nin iddiasına görə polis, hava limanında partlamamış intihar kəməri tapıb. Bu vəziyyət terrorçulardan birinin qaçmış olması ehtimalını gündəmə gətirib.
Gülşən RAUFQIZI
