Rusiya Dövlət Dumasının 15 deputatı ölkə prezidenti Vladimir Putinin qanunverici orqana müraciət edəcəyi iclasda iştirak edə bilməyəcək.
Modern.az "RİA Novosti"yə istinadən xəbər verir ki, buna səbəb onların COVID-19 virusuna yoluxmasıdır.
Bildirilib ki, Putinin müraciəti ilə bağlı bütün deputatlardan koronavirus testi götürülüb. Onlardan 15-nin nəticəsi pozitiv çıxıb.
COVID testinin nəticəsi pozitiv çıxarsa, başqa şəxslərin də sözügedən iclasa buraxılmayacağı vurğulanıb.
Qeyd edək ki, yaxın müddətdə Putinin Dövlət Dumasına müraciəti gözlənilir.
