"Parlament seçkiləri genişmiqyaslı dəyişikliklərin layiqli davamı oldu".
Modern.az "Zakon.kz"a istinadən xəbər verir ki, bunu Qazaxıstan prezidenti Kasım-Jomart Tokayev paytaxt Astanada keçirilən Novruz bayramı tədbirindəki çıxışı zamanı deyib.
"Ölkənin siyasi inkişafında yeni mərhələ başlayıb. Bu tarixi məqamın Novruz bayramının qeyd olunması ilə üst-üstə düşməsi simvolikdir. Xalq bizim təkliflərimizi dəstəklədi. İl ərzində biz nəzərdə tutulan hər şeyi uğurla həyata keçirdik. Hakimiyyət sisteminin yenilənməsi istiqamətində ciddi siyasi addımlar atılıb”, - deyə o bildirib.
Tokayev bunun ölkənin iqtisadi uğurlarına müsbət təsir etdiyini vurğulayıb.
Qeyd edək ki, martın 19-da keçirilən parlament seçkilərində iqtidardakı "Amanat" Partiyası qələbə qazanıb.
