20 ildən artıqdır Türkiyə Böyük Millət Məclisində (TBMM) bərbər işləyən Mümtaz Arslan mayın 14-də keçiriləcək parlament seçkilərində iştirak edəcək.
Modern.az yerli KİV-ə istinadən xəbər verir ki, o, hakim Ədalət və İnkişaf Partiyasından (AKP) namizəd olacaq.
TBMM-nin baş bərbəri olan Mümtaz Arslan karyerasına 12 yaşında başlayıb. 23 yaşında biznes sahibi olan Arslan 2003-cü ildə parlamentdə bərbər kimi fəaliyyətə başlayıb.
O, Süleyman Dəmirəl, Bülent Ecevit, Necmettin Erbakan və bir çox siyasi xadimlərə xidmət göstərib.
Arslan deputat seçiləcəyi təqdirdə bərbərlərin problemlərini gündəmə gətirəcəyini bildirib: "Türkiyə Böyük Millət Məclisinə gələndə onların bütün problemlərini ən yaxşı şəkildə həll edəcəyəm, onlara kömək edəcəyəm, ən yaxşı şəkildə təmsil edəcəyəm".
