İranla sərhəddə keşik çəkən Pakistan ordusunun hərbçiləri hücuma məruz qalıb.
Modern.az xəbər verir ki, bu barədə Pakistan ordusunun mətbuat xidməti məlumat yayıb.
"İran tərəfdən fəaliyyət göstərən bir qrup terrorçu Pakistan-İran sərhədində fəaliyyət göstərən Pakistan təhlükəsizlik qüvvələrinin sərhəd patruluna hücum edib", - ordunun açıqlamasında deyilir.
Hücum zamanı Pakistan sərhəd qoşunlarının 4 hərbçisi həlak olub. Qeyd edilib ki, Pakistan rəsmiləri gələcəkdə bu cür hadisələrin qarşısını almaq üçün İranla əlaqə saxlayır.
