Qırğızıstan-Özbəkistan sərhədində zəlzələ baş verib.
Modern.az "Kun.uz"a istinadən xəbər verir ki, bu barədə Özbəkistan Fövqəladə Hallar Nazirliyinin Respublika Seysmik Predikativ Monitorinq Mərkəzi məlumat yayıb.
Bildirilib ki, mayın 2-də yerli vaxtla saat 09:46-da Qırğızıstan ərazisində 4.3 bal gücündə zəlzələ qeydə alınıb. Dərinliyi 10 kilometr olan zəlzələnin episentrindən paytaxt Daşkəndə qədər olan məsafə şimal-şərq istiqamətində 205 kilometrdir.
Özbəkistan ərazisində yeraltı təkan Namanqan vilayətinin Yenikurqan rayonu və Kəsənsay rayonunda hiss olunub.
Dağıntı və itki barədə məlumat yoxdur.
