Türkiyədə CHP-dən qopmuş Məmləkət Partiyasının sədri Muharrem İncenin prezidentliyə namizədliyini geri götürməsindən sonra birjalarda sürətlə bahalaşma müşahidə olunmağa başlayıb.
Modern.az Türkiyə mətbuatına istinadən xəbər verir ki, İncenin açıqlamasından əvvəl 4630 səviyyəsində olan İstanbul birjasındakı BIST 100 indeksi 4750 səviyyəsinə qədər qalxıb.
Bununla da BIST 100 indeksinin gündəlik artımı 5.5 faiz, bank indeksindəki gündəlik artım isə 9 faiz olub.
Qeyd edək ki, bu gün partiyasının qərargahından ictimaiyyətə müraciət edən İnce namizədlikdən çəkildiyini açıqlayıb. Bununla da Türkiyədə 14 mayda keçiriləcək prezident seçkilərində namizədlərin sayı 3-ə düşüb.
