Ukraynada yaralanan rus əsgərləri arasında ölüm nisbətinin yüksək olması qeyri-adekvat tibbi yardımdan qaynaqlanır.
Modern.az xəbər verir ki, bu barədə Böyük Britaniya Müdafiə Nazirliyinin “Twitter” hesabatında bildirilib.
Məlumata əsasən, ölüm faktlarının 50%-ə yaxınının qarşısını almaq olardı. Lakin tibbi xidmətinin düzgün təşkil olunmaması Rusiya ordusunun ağır itkilər verməsinə səbəb olub.
"Yaralıların çox ləng təxliyəsi, döyüş qoşqularından düzgün istifadə edilməməsi ölüm və amputasiyaların əsas səbəbidir", - nazirlik bəyan edib.
Ukrayna tərəfinin yaydığı məlumata əsasən, Rusiya ordusu müharibə başlayandan bəri 234 480 hərbçisini itirib.
