Modern.az

Putin Şoyquya yüksək vəzifə verdi 

Putin Şoyquya yüksək vəzifə verdi 

12 May 2024, 22:45

Rusiya prezidenti Vladimir Putin sabiq müdafiə naziri Sergey Şoyqunu Təhlükəsizlik Şurasının katibi vəzifəsinə təyin edib.

 

Modern.az xəbər verir ki, məlumatı TASS yayıb.

 

Şoyqu bu vəzifədə Nikolay Patruşevi əvəz edəcək.

 

Kremlin sözçüsü Dmitri Peskov deyib ki, Şoyqu eyni vaxtda Rusiya Federasiyasının Hərbi-Sənaye Komissiyasında Putinin müavini olacaq.

 

O xatırladıb ki, icra hakimiyyətinin yeni strukturunda sözügedən komissiya Müdafiə Nazirliyinin tabeliyindən birbaşa Rusiya Federasiyası Prezidentinin tabeliyinə verilib. “Onun işinə də Sergey Şoyqu rəhbərlik edəcək və ona nəzarət edəcək”, - Peskov vurğulayıb.

 

Kreml nümayəndəsi əlavə edib ki, Patruşevin hara təyin ediləcəyi barədə yaxın günlərdə məlumat veriləcək.

 

Xatırladaq ki, Rusiya baş nazirinin birinci müavini Andrey Belousov ölkənin müdafiə naziri təyin edilib.

Telegram
Hadisələri anında izləyin!
Keçid et
Bakıdakı silahlı insidentdə qətlə yetirilən polislər torpağa tapşırıldı