ABŞ-ın yeni seçilmiş prezidenti Donald Tramp 2025-ci il yanvarın 20-də baş tutacaq inauqurasiya mərasiminə xarici liderləri dəvət edib.
Modern.az xəbər verir ki, bu barədə CNN mənbələrə istinadən yazır.
Salvador prezidenti Nayib Bukele, İtaliyanın baş naziri Giorgia Meloni və Argentina prezidenti Xavyer Mayli dəvət edilənlər arasındadırlar. Çin lideri Si Cinpin dəvət edilsə də, o iştirak etməkdən imtina edib.
Bir qayda olaraq, ABŞ prezidentinin andiçmə mərasiminə xarici liderlər dəvət edilmir. 1874-cü ildən bəri ABŞ Prezidentinin andiçmə mərasimində dövlət və hökumət başçıları deyil, səfirlər və diplomatlar iştirak edir. Donald Trampın adının açıqlanmasını istəməyən məsləhətçinin sözlərinə görə, o, bu andiçməni qlobal hadisəyə çevirmək istəyir.
Kanalın məlumatına görə, bəzi dövlət başçıları “qeyri-rəsmi kanallar vasitəsilə” və ya başqa bir məsələ ilə bağlı telefon danışığı zamanı dəvət edilib.
