ABŞ-ın yeni seçilmiş prezidenti Donald Tramp Kanadanın ABŞ-ın 51-ci ştatı olmasını yenidən təklif edib.
Modern.az xəbər verir ki, bu barədə o, sosial şəbəkədəki səhifəsində yazıb. Tramp bildirib ki, Kanada ABŞ-a qoşularsa, həmin ölkənin sakinləri hərbi xərclərə xeyli qənaət edəcək və daha az vergi ödəyəcəklər.
O, həmçinin qeyd edib ki, Ağ Evin Kanadaya hər il yüz milyon dollar subsidiya ayırmasının səbəbini hələ heç kim ona dəqiq izah etməyib. O, bunu məntiqsiz hesab edib. Tramp hesab edir ki, bir çox kanadalı Kanadanın ABŞ-a qoşulmasını və bununla da onların vergi yükünü yüngülləşdirməsini və hərbi xərcləri azaltmasını istəyir.
