İsveçin Malmö şəhərində vəfat edən Azərbaycan Milli Qəhrəmanı Şahin Tağıyevin nəşi Bakıya gətiriləcək.
Bu barədə Modern.az-a açıqlamasında Milli Qəhrəmanın oğlu Rövşən Tağıyev bildirib.
O qeyd edib ki, bunun üçün artıq Azərbaycanın İsveçdəki səfirliyinə müraciət ediblər:
“Atamın nəşinin Bakıya aparılmasını planlaşdırıq. Artıq bu barədə səfirliklə əlaqə saxlamışıq. Sağ olsunlar, çox kömək olurlar. Atamın harada dəfn olunacağı isə hələlik məlum deyil. Çünki biz Azərbaycanda yaşamırdıq”.
Xatırladaq ki əslən Şuşadan olan Şahin Tağıyev 1949-cu il fevralın 3-də Tərtər şəhərində doğulub. 2001-ci ildən Azərbaycanı tərk edərək Avropaya köçmüşdü.
İsveçdəki Qocalar Evində yaşayan Azərbaycan Respublikasının Milli Qəhrəmanı uzun sürən xəstəlikdən sonra dünyasını dəyişib.
