“Sabiq prezident Mixail Saakaşvili Gürcüstan dövlətinə və xalqına qarşı çoxlu cinayətlər törədib, ona görə də öz bəyanatlarında diqqətli olması və özünün qayğısına qalması daha yaxşı olar”.

Modern.az xəbər verir ki, bunu Gürcüstanın baş naziri İrakli Kobaxidze jurnalistlərə deyib.

Saakaşvili məhkəmədə onlayn çıxışı zamanı bildirib ki, tezliklə Gürcüstanda yeni və azad seçkilər keçiriləcək, lakin bu, yalnız gürcü xalqı hakim “Gürcü arzusu” partiyasının qurucusu Bidzina İvanişvilinin salındığı köpəkbalığı akvariumunun qarşısında selfi çəkdirdikdən sonra baş verəcək.

"Mən Saakaşvilini daha diqqətli olmağa çağırardım. Təbii ki, onun bütün açıqlamaları boş sözlərdir. Bu bəyanatların heç bir dəyəri və mənası yoxdur, lakin Saakaşvili özünün qayğısına qalmalıdır. O, Gürcüstan dövlətinə və gürcü xalqına qarşı çoxlu cinayətlər törədib. Ona görə də, mən onun yerində olsaydım, açıqlamalarda daha diqqətli olardım”, - Kobaxidze bildirib.

Onun sözlərinə görə, hazırda “radikal müxalifət özünü ləğv etmək rejimindədir”.