ABŞ-nin yeni seçilmiş prezidenti Donald Tramp vəzifəyə başladığı ilk gündə 100-ə yaxın sərəncam imzalamaq niyyətində olduğunu açıqlayıb.
Modern.az xəbər verir ki, Respublikaçılar hovuzuna daxil olan jurnalistlərin yaydığı məlumata görə, Tramp bu addımları ilə əvvəlki administrasiyanın bəzi qərarlarını ləğv etməyi planlaşdırır.
“Vəzifəyə gəldikdən sonra bir neçə saat ərzində onlarla fərman imzalayacağam, onların sayı yüzə yaxın olacaq,” – deyə Tramp bildirib. O qeyd edib ki, bu sənədlər əsasən Joe Biden administrasiyası dövründə görülən işləri ləğv etmək məqsədi daşıyacaq.
Bundan əvvəl Trampın seçki kampaniyasının baş iqtisadi məsləhətçisi Stiven Mur da yeni prezidentin ilk gündə 50-100 fərman imzalaya biləcəyini və qarşıdakı həftələrdə daha çox fərmanların gözlənildiyini qeyd etmişdi.
Xatırladaq ki, Donald Trampın andiçmə mərasimi yanvarın 20-də günorta saatlarında keçiriləcək.
