Ağ Evin stenoqrafları ABŞ prezidenti Donald Trampla ayaqlaşa bilmir.
Modern.az xəbər verir ki, bu barədə mənbələr "Associated Press" (AP) agentliyinə bildiriblər.
Qurumdan verilən məlumata görə, iş yükünün öhdəsindən gəlmək üçün əlavə işçilərin işə götürülməsi məsələsi müzakirə olunur.
"Faktba.se" layihəsinin məlumatına görə, Donald Tramp prezident kimi ilk həftəsində ictimaiyyət qarşısında 7 saat 44 dəqiqə danışıb. O, 81 min sözdən istifadə edib. İlk prezidentlik dövründə o, 3 saat 41 dəqiqə danışıb və ilk 7 gündə 33.500 söz işlədib.
Donald Tramp yanvarın 20-də vəzifəsinin icrasına başlayıb. On gün ərzində o, 38 icra sərəncamı imzalayıb ki, bu da indiyədək Amerika prezidentləri üçün rekord göstəricidir.
