“Rusiya və ABŞ nümayəndə heyətləri arasında Ər-Riyadda aparılan danışıqlar çox yaxşı keçdi və irəliyə doğru böyük bir addım oldu”.

Modern.az xəbər verir ki, bunu ABŞ prezidenti Donald Tramp Mayamidə (Florida) Səudiyyə Ərəbistanının təşkil etdiyi investisiya forumunda çıxışı zamanı deyib.

O qeyd edib ki, iki ölkənin nümayəndə heyətləri münaqişənin həlli üçün bu həftə Səudiyyə Ərəbistanında danışıqlara başlayıblar. Vaşinqton administrasiyasının rəhbəri krallığın vəliəhd şahzadəsi Məhəmməd bin Salman Əl Səuda “çox, çox yaxşı keçən bu tarixi danışıqlara ev sahibliyi etdiyinə görə” minnətdarlığını bildirib.

“Bu, irəliyə doğru böyük bir addımdır. Biz bu müharibəni dayandırmalıyıq", - Tramp deyib.

O, Ukrayna lideri Vladimir Zelenskini də tənqid edib.

Tramp hesab edir ki, Vladimir Zelenski Ukraynadakı münaqişənin həlli üçün heç bir ciddi səy göstərməyib;

Amerika lideri Zelenskinin “dəhşətli iş gördüyünü” vurğulayıb.

“O, üç il işləyib. Hətta bu müharibəni dayandırmaq üçün görüşlər, telefon zəngləri belə olmadı. Bu, dəhşətlidir". dedi.

Tramp əmin edib ki, o, münaqişənin həllinə sadiqdir. O, ABŞ-ın əvvəlki prezidenti Co Bidenin münaqişəni sona çatdırmağa “heç vaxt cəhd etmədiyini”, “Avropa sülhü təmin edə bilmədi və Zelenski asan pulun gəlməsini istəyə bilər” deyib.

"Problemin nə olduğunu bilmirəm, amma bacarmadı" deyən Tramp Zelenskinin problemi həll etmək üçün kifayət qədər iş görmədiyini deyib.

“O (Zelenski) danışıqlara dəvət olunmamasından çox üzüldü. Amma istəsəydi gələ bilərdi”.

 Eyni zamanda Tramp Zelenskinin “Səudiyyə Ərəbistanına dəvət edilmədiyini” bildirib.