ABŞ prezidenti Donald Tramp deyib ki, Rusiya və Çin arasında daha da yaxınlaşma istəmir.
Modern.az xəbər verir ki, Tramp bu barədə “Foks Nyus” telekanalına müsahibəsində bildirib.
O, “Rusiya və Çinin birləşməsini” istəmədiyini bildirib.
Tramp həmçinin hesab edir ki, Rusiya və Çin arasında münasibətlər ABŞ-ın keçmiş prezidenti Barak Obamanın hərəkətləri sayəsində “dost” olub.
"Obama həqiqətən onları pis enerji siyasəti ilə bağlı bir araya gətirdi", -Amerika lideri deyib.
ABŞ prezidenti Vaşinqtonun iki ölkə ilə münasibətləri yaxşılaşdıracağını qeyd edib və hər iki ölkənin ABŞ ilə münasibətləri yaxşılaşdırmaq istədiyinə əmin olduğunu bildirib.
Eyni zamanda Tramp qeyd edib ki, ABŞ-ın artıq Çinlə öz münasibətləri və danışıqları var.
