Türkiyənin Cümhuriyyət Xalq Partiyası (CHP) prezident seçkilərində namizəd irəli sürmək üçün praymeriz keçirib.
Modern.az NTV-yə istinadən xəbər verir ki, həbsdə olan İstanbul bələdiyyə sədri Ekrem İmamoğlu 14,85 milyon səs toplayıb.
Praymerizdə yeganə namizəd İmamoğlu olub.
"Partiyamızın 1,75 milyon üzvündən 1,67 milyonu səsvermədə iştirak edib. Ancaq bu, partiyadaxili rəqəmdir. Bundan əlavə, həmrəylik qutuları quraşdırmaq qərarına gəldik... Həmrəylik qutularında verilən səslərin ümumi sayı 13 milyon 211 mindir", - partiya sədri Özgür Özəl bildirib.
Qeyd edək ki, İstanbul Böyükşəhər Bələdiyyəsinə (İBB) qarşı korrupsiya və terror araşdırması ilə bağlı aparılan məhkəmə prosesi başa çatıb. Məhkəmə aralarında bələdttoə sədri İmamoğlu da olmaqla 18 nəfərin həbsinə qərar verib.
