Türkiyənin Cümhuriyyət Xalq Partiyasının (CHP) bazar günü keçirilən qurultayda namizəd olmaq üçün yetərli qədər imza toplaya bilməyən sabiq deputat Berhan Şimşek Ali Seçki Komissiyasına (YSK) müraciət edib.
Modern.az Türkiyə KİV-ə istinadən xəbər verir ki, o, qurultayın nəticələrinin ləğvini tələb edib.
Qeyd edək ki, keçmiş millət vəkili və sənətçi qurultayda namizədlik müraciətinin qəbul edilmədiyi bildirib.
Şimşek sosial media hesabında namizədlik üçün lazım olan imzalarla birlikdə müraciətini yalnız beş dəqiqə gecikdirdiyini, buna baxmayaraq divan tərəfindən qəbul edilmədiyini bildirib. O, partiya rəhbərliyindən bir neçə şəxslə – Özgür Özel, Murat Emir və Ali Mahir Başarırla danışmasına baxmayaraq, artıq gec olduğu cavabı aldığını qeyd edib. Şimşek keçmiş qurultayda siyahıların dörd saat sonra təqdim edildiyini xatırladıb, bu qərarı ictimaiyyətin vicdanına buraxdığını deyib.
Qurultayın Divanı isə Berhan Şimşekin iddialarını təkzib edib, heç bir namizədlik müraciətinin daxil olmadığını bildirib. “Adaylıq müraciətləri saat 10:20-də başladı və 10:50-də başa çatdı. Bu müddət ərzində yalnız Özgür Özel tərəfindən rəsmi və qaydalara uyğun bir müraciət daxil oldu. Berhan Şimşek divana gəldikdə əlində heç bir sənəd yox idi,” – deyə o bildirib.
Qeyd edək ki, Ankarada keçirilən qurultayda 1.276 nümayəndə səs verib. Onlardan 105-i etibarsız sayılıb. Hazırkı sədr Özgür Özel 1.171 səslə yenidən CHP-nin sədri eçilib.
