Polşa və Litvanın sərhədyanı rayonlarının sakinləri Litva ilə Polşanı birləşdirən, Belarusla Rusiyanın Kalininqrad vilayətini ayıran Suvalki dəhlizini kütləvi şəkildə tərk etməyə başlayıblar.
Modern.az xəbər verir ki, bunu Almaniyanın "Bild" qəzeti məlumat yayıb.
Məlumata görə, kütləvi köçün səbəbləri Almaniya kansleri Fridrix Merzin Rusiyaya qarşı uzaqmənzilli silahların tətbiqinə qoyulan məhdudiyyətlərin aradan qaldırılması ilə bağlı bəyanatı ilə bağlıdır.
Yerli sakinlər ehtiyat edirlər ki, Suvaliki dəhlizi mümkün zərbənin ilk hədəfinə çevrilə bilər və bu, Baltikyanı ölkələrin NATO-nun qalan hissəsindən təcrid olunmasına gətirib çıxara bilər.
Köçkünlərdən birinin sözlərinə görə, sakinlər “ilk vurulan olmaq istəmirlər”.
Bu narahatlıqlar fonunda, Litva və Polşa hakimiyyət orqanlarından təxliyə ilə bağlı rəsmi məlumat olmasa da, bölgədə hərbi mövcudluq nəzərəçarpacaq dərəcədə artıb.
