Modern.az xəbər verir ki, Havay adalarında Marsda yaşamağa gedəcək insanların sınağı başlanıb.
Publika.az xarici mətbuata istinadən yazır ki, 6 nəfər 1 il ərzində təcrid olunmuş günbəzin içərisində yaşayacaq. Onların yaşayacağı günbəzin diametri 11 metr, hündürlüyü isə 6 metrdir.
Marsa yollanacaq könüllülər qrupuna astrobioloq (ABŞ), fizik (Almaniya), pilot, memar, həkim və jurnalist (ABŞ) daxildir.
Sınaq keçəcək könüllülərdən biri deyib: “Bu 6 nəfər dünyanı dəyişmək istəyən şəxslərdir və onlar hər bir şəraitdə yaşamağı bacarmalıdır”.
O da qeyd olunur ki, günbəzdə hərənin ayrıca çarpayılı və stollu otağı olacaq. Onların qəbul edəcəyi qidaya konservləşdirilmiş tuna balığı və pendir tozu daxildir. Könüllülər skafandrda gəzəcək və internetə çıxışları olmayacaq.
Modern.az
