Bakının Xətai rayonu ərazisində yerləşən supermarketlərdən birində baş vermiş silahlı insident nəticəsində bir nəfər ölüb.
Daxili İşlər Nazirliyindən Modern.az-a bildirilib ki, hadisə zamanı ölən Həsənov Rüfət Rahib oğlu polis əməkdaşı deyil.
***
12:51
Bakıda hipermarketdə baş vermiş atışma nəticəsində bir nəfər ölüb, iki nəfər yaralanıb.
Modern.az xəbər verir ki, xəsarət alan 2 nəfər Sabunçu Tibb Mərkəzinə yerləşdirilib.
***
Xətai rayonu ərazisində yerləşən supermarketlərdən birində baş vermiş silahlı insidentlə bağlı hazırda Baş Prokurorluğun İstintaq idarəsi, Kriminalistika şöbəsi və Xətai rayon prokurorluğunun əməkdaşları hadisə yerindədilər.
Bu barədə Modern.az-a Baş Prokurorluqdan məlumat verilib.
Bildirilib ki, qeyd olunan faktla bağlı prokurorluqda araşdırma aparılır.
İctimaiyyətə əlavə məlumat veriləcək.
***
Paytaxtın Xətai rayonunda marketlərin birində atışma olub.
Daxili İşlər Nazirliyinin Mətbuat xidmətindən Modern.az-a bildirilib ki, bununla bağlı əməliyyat qrupu hadisə yerinə cəlb edilib, araşdırma aparılır.
Əməli törətməkdə şübhəli bilinən şəxsin, yaxud şəxslərin tutulması istiqamətində tədbirlər görülür.
Əlavə məlumat veriləcək.
***
12:47
Bakıda silahlı insident olub.
Modern.az xəbər verir ki, atışma hipermarketdə baş verib.
Hadisə nəticəsində ölən və yaralananların olub-olmadığı dəqiqləşdirilir. Detalları məlum deyil.
