Dekabrın 16-sı Mingəçevir şəhəri ərazisində 1998-ci il təvəllüdlü Bəxtiyar Həsənlinin almış olduğu xəsarətdən müalicə aldığı xəstəxanada ölməsi barədə şəhər prokurorluğuna məlumat daxil olub.

 

Bu barədə Modern.az-a Mingəçevir Şəhər Prokurorluğundan məlumat verilib.

 

Araşdırmalarla 1990-cı il təvəllüdlü Elvin Rüstəmovun dekabrın 15-i şəxsi münasibətlər zəminində aralarında yaranmış mübahisə zamanı qonşusu Bəxtiyar Həsənliyə bıçaqla xəsarət yetirməsi nəticəsində sonuncunun növbəti gün müalicə aldığı xəstəxanada ölməsinə əsaslı şübhələr müəyyən edilib.

 

Faktla bağlı Mingəçevir şəhər prokurorluğunda Cinayət Məcəlləsinin 126.3-cü (qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda) maddəsilə cinayət işi başlanıb. 

 

Elvin Rüstəmov iş üzrə şübhəli şəxs qismində tutulub.

 

***

08:53

Xəbər verdiyimiz kimi, Mingəçevirdə bıçaqlanan gənc xəstəxanaya yerləşidirilib.

 

Modern.az-ın məlumatına görə, 1998-ci il təvəllüdlü Bəxtiyar Həsənli gecə saatlarında ölüb.

 

Həkimlərin səylərinə baxmayaraq, gənc oğlanın həyatını xilas etmək mümkün olmayıb.

 

Faktla bağlı aaşdırma aparılır.

***

07:57

 

Dekabrın 15-də saat 21 radələrində Mingəçevir şəhərində 1990-cı il təvəllüdlü Elvin Rüstəmov aralarında yaranmış mübahisə zamanı 1998-ci il təvəllüdlü Bəxtiyar Həsənliyə bıçaqla xəsarət yetirib.

 

DİN-in Mətbuat Xidmətinin Şəki regional qrupundan Modern.az-a bildirilib ki, polis əməkdaşları tərəfindən həyata keçirilən tədbirlərlə əməli törətməkdə şübhəli bilinən E.Rüstəmov saxlanılıb.

 

B.Həsənli Mingəçevir Şəhər Mərkəzi Xəstəxanasına yerləşdirilib.

 

Müvafiq ekspertiza təyin olunub, araşdırmalar davam etdirilir.