Yanvarın 4-ü saat 10:40-da Qaradağ rayonu, Sahil qəsəbəsi ərazisindən yol-nəqliyyat hadisəsi ilə bağlı Respublika Təcili və Təxirəsalınmaz Tibbi Yardım Mərkəzinə çağırış daxil olub.
Modern.az xəbər verir ki, bu barədə Tibbi Ərazi Bölmələrini İdarəetmə Birliyindən (TƏBİB) məlumat verilib.
"Dərhal hadisə yerinə briqada cəlb olunub.
Xəsarət alan iki nəfər müştərək travmalar diaqnozu ilə Kliniki Tibbi Mərkəzə hospitalizasiya olunub", - deyə məlumatda bildirilir.
Mərkəzdən isə bildirilib ki, 1982 və 1999-cu il təvəllüdlü şəxslər (qadın cinsli) başın açıq yarası, belin yüngül əzilməsi, fəqərə sınığı diaqnozları ilə Kliniki Tibbi Mərkəzin Təcili və Təxirəsalınmaz Tibbi Yardım şöbəsinə hospitalizasiya edilib. "Yaralılara ilkin tibbi yardım göstərilib və zəruri tibbi müayinələrdən keçirilib. Hazırda vəziyyətləri stabil qiymətləndirilir".
***
12:45
Bakıda 149 nömrəli avtobus qəza törədib.
Modern.az xəbər verir ki, hadisə bu gün səhər saatlarında Qaradağ rayonunda baş verib.
Faktla bağlı Baş DYP İdarəsinin inspektoru polis baş leytenantı Elvin Hacıyev bildirib ki, hadisə bu gün səhər saat 10 radələrində Bakı-Qazax avtomobil yolunun 24-cü kilometrliyində qeydə alınıb.
"99-JN-189 dövlət qeydiyyat nişanlı “Baku Bus” sərnişindaşıma avtobusu yolun kənarında dayanmış Tacikistan dövlətinə məxsus 77-FF-02 qeydiyyat nişanlı “Volvo” markalı avtomobilə çırpılıb. Hadisə nəticəsində 1 nəfər ölüb, 2 nəfər xəsarət alıb", - açıqlamada bildirilir.
Faktla bağlı araşdırılma aparılır.
Azərbaycan Yerüstü Nəqliyyat Agentliyindən isə bildirilib ki, bu gün səhər saatlarında Bakı-Ələt yolunda Sahil qəsəbəsini “Sahil” metrostansiyası ilə əlaqələndirən 149 nömrəli avtobusun iştirakı ilə qəza baş verib. Hadisə hüquq-mühafizə oqranları tərəfindən araşdırılır. İctimaiyyətə əlavə məlumat veriləcək.
