Futbol üzrə Azərbaycan kubokunun yarımfinal mərhələsində daha bir oyun keçirilib.
Modern.az xəbər verir ki, Tovuzda baş tutan matçda Premyer Liqanın debütantı “Turan Tovuz” komandası “Neftçi” klubunu qəbul edib.
Oyun meydan sahiblərinin minimal hesablı qələbəsi ilə başa çatıb – 1:0. Görüşdə yeganə qola 74-cü dəqiqədə moldovalı müdafiəçi Denis Marandiçi imza atıb.
Qeyd edək ki, komandalar arasında cavab matçı aprelin 26-da baş tutacaq.
