Noyabrın 11-də Bakıda COP29 konfransı başlayacaq.
İnsanlara maraqlı olan nüans COP29 dönəminin turizmə necə təsir edəcəyidir.
Azərbaycana gediş-gəliş biletləri bahalaşacaqmı? Ümumiyyətlə, bu ərəfədə turizm sektorunda hansı dəyişikliklər özünü göstərəcək?
Məsələ ilə bağlı AzETA Azərbaycan Ekoturizm Assosiasiyasının icraçı direktoru, DAİR Hotellər və Restoranlar Assosiasiyasının İdarə Heyətinin sədri Samir Dübəndi Modern.az-a açıqlama verib.
O bildirib ki, müxtəlif dəyişikliklər gözlənilir:
“Bizim COP29-la bağlı digər rayonlarımızda distinatsiyalar var. Böyük qiymət artımı olacağını görmürəm. Amma müntəzəm reyslərin satışında qıtlıq ola bilər. Paytaxt mehmanxanalarında bronların sayı artıb. Bildiyimiz kimi, bu dövrdə daha çox turist Azərbaycana üz tutacaq. Amma qiymətlərdə bir o qədər də artım yoxdur. Bu dövrlər ərzində bir sıra çarter reysləri təşkil olunur, hansılar ki, bu siyahıya xüsusi qonaqlar, dövlət başçıları və onların ətrafındakı administrativ qrupların səfəri və s. daxildir”.
Həsən Mahanov
