Son günlər sosial şəbəkələrdə pensiya kapitalı hesabına kredit götürməyin mümkünlüyü ilə bağlı xəbərlər yayılırb. Bəs bu mümkündürmü?
İqtisadçı ekspert Xalid Kərimli Modern.az-a bildirib ki, belə bir məsələ yoxdur:
“Bu məsələlər şayiədir, Azərbaycanda pensiya kapitalının girov qoyularaq, kredit götürülməsi ilə bağlı hər hansı yenilik yoxdur. Özəl pensiya fondlarının yaradılması haqqında müzakirələr var, dövlət orqanları da dəfələrlə bildiriblər ki, bu istiqamətdə özəl pensiya fondlarının yaradılması haqqında qanunvericilik işlənilir. Bu elə asan məsələ deyil. 2 ildir müzakirələr gedir, çətin məsələ olduğu üçün heç qanunvericilik aktı çıxmayıb. Mövcud pensiyalar haqqında qanunda da hər hansı dəyişiklik yoxdur. İndiki icbari pensiya sistemindəki pensiya kapitalı yalnız və yalnız biz pensiyaya çıxanda bizim təminatımızı formalaşdırır. Başqa bir rol oynamır. Gələcəkdə nə olacaqsa, o zaman müzakirə edilə bilər, hazırda bunun müzakirəsi də yoxdur”.
