Bu gün Milli.Az-ın 15 yaşı tamam oldu. Tam 15 il əvvəl yaranmış sayt o dönəmdəki informasiya məkanında çoxsaylı onlayn informasiya vasitələrindən biri idi.

Medianın təməl prinsiplərinə daim əməl edən Milli.Az saytı 2010-cu ilin 1 fevralında fəaliyyətə başlayıb. Azərbaycanın xəbər məkanında özünəməxsus yer tutan saytda ölkəmizin ictimai, siyasi, sosial və mədəni həyatında olan yeniliklərlə bərabər, digər sahələrdən olan xəbərlər də oxuculara çatdırılır.

Vaxt keçdikcə Milli.Az böyüdü, genişləndi, funksionallığını, operativliyi, əhatə dairəsini və ən başlıcası, oxucu auditoriyasını artırdı.

Sayt obyektivlik, tərəfsizlik və dəqiqlik prinsiplərindən çıxış etdiyinə görə sabit oxucu kütləsinə sahibdir. Ciddi veb-resurs üçün qısa zaman sayıla biləcək 15 il ərzində Milli.Az bir çox mükafat qazanıb, populyarlaşıb və Azərbaycanın aparıcı kütləvi informasiya vasitələrindən birinə çevrilib. Saytın fəaliyyəti baş verən hadisələrlə bağlı oxucularımızı obyektiv, sürətli və ən başlıcası, vaxtında məlumatlandırmaqla yanaşı, Azərbaycanın informasiya məkanı ilə yanaşı, ümumi inkişafına xidmətdir.

Bu gün Milli.az İnternet portalı Azərbaycanda ən çox oxunan, sayılan və nüfuzlu kütləvi informasiya vasitələrindən biridir.

Modern.az olaraq biz də həmkarlarımızı təbrik edir, fəaliyyətlərində uğur arzulayırıq.