Türkiyədə AKP tərəfdarlarının bu günə planlaşdırılan "Milli iradəyə sayğı" mitinqi artıq başlayıb. Modern.az-ın türk mətbuatına istinadən verdiyi xəbərə görə, mitinq AKP-nin Ankara şöbəsinin təşkilatçılığı ilə Sincanda keçirilir.
"Böyük oyunu pozmağa, tarix yazmağa" şüarı ilə keçirilən mitinqdə yüz minlərlə iqtidar tərəfdarı insan iştirak edir.
Mitinqlə bağlı polis güclü mühafizə sistemi yaradıb, 1 helikopter havadan müşahidələr aparır. Hətta, binaların damlarında polislərin olması da diqqətdən yayınmayıb.
Baş nazir Rəcəb Tayyib Ərdoğan və hakimiyyət təmsilçiləri də AKP-nin mitinqinə qatılıb.Hazırda Ərdoğan tərəfdarları qarşısına çıxış edir.
Modern.az
