Modern.az

Bazar günü bu bölgənin təhsil işçilərinə imtahan KEÇİRİLƏCƏK

Bazar günü bu bölgənin təhsil işçilərinə imtahan KEÇİRİLƏCƏK

22 Sentyabr 2023, 12:03

Mil-Muğan Regional Təhsil İdarəsinin tabeliyində fəaliyyət göstərən ümumi təhsil müəssisələri üzrə vakant olan tədris (təlim-tərbiyə) işi üzrə direktor müavini, məktəbdənkənar və sinifdənxaric tərbiyə işi üzrə təşkilatçı vəzifəsinə işə qəbul üçün test imtahanı keçiriləcək.

 

Elm və Təhsil Nazirliyindən Modern.az-a bildirilib ki, imtahan sentyabrın 23-ü saat 10:00-da baş tutacaq.

 

Sabirabad şəhəri M.Müşfiq adına 4 nömrəli tam orta məktəbdə keçiriləcək imtahanda namizədlərə pedaqogika və metodika, əmək və təhsil qanunvericiliyi, riyazi məntiq üzrə hər birinə aid 10 sual olmaqla, ümumilikdə 40 test tapşırığı təqdim olunacaq.

 

Qeydiyyatdan keçmiş namizədlərə sms vasitəsilə məlumat veriləcək.

Youtube
Kanalımıza abunə olmağı unutmayın!
Keçid et
Prezident Xocalıda duyğulu anlar yaşandı