Dörd Niderland şirkəti Rusiyaya Krım körpüsünün tikintisinə kömək edib.
Modern.az xəbər verir ki, bu barədə "Reuters" nəşri məlumat yayıb.
Məlumata görə, Niderland prokurorları 2014-2017-ci illər arasında Aİ-nin Rusiyaya qarşı tətbiq etdiyi sanksiyaları pozduğuna görə dörd holland şirkəti və səkkiz nəfəri cərimələyib.
Qeyd olunur ki, 8 nəfər 20 saatdan 60 saata qədər ictimai işlərə məhkum edilib və şirkətlər ümumilikdə 160 min avro (169 min dollar) məbləğində cərimə ödəyiblər.