6 noyabr tarixi Azərbaycanda radio və televiziya işçilərinin peşə bayramı günüdür. Azərbaycanda ilk dəfə radio 1926-ci il noyabrn 6-da fəaliyyətə başlayıb. Həmin gün ölkə paytaxtının küçələri və meydanlarında qurulmuş reproduktorlardan ilk dəfə «Danışır Bakı!» nidası eşidilib. O zaman həmin hadisə Azərbaycan xalqının siyasi və mədəni həyatında böyük bir yenilik idi. . Radio ilk efirinə xəbərlər və canlı musiqi proqramları ilə başlayıb.
Azərbaycan Xalq Cümhuriyyəti dövründə radionun yaranması ilə bağlı bir sıra tədbirlər həyata kecirilsə də, Sovet hakimiyyətinin qurulması bu istiqamətdəki işləri yarımçiq qoydu. Dünya ölkələrində və eləcə də Rusiyada radionun fəaliyyətə başlaması və yayılması Azərbaycana da təsir etdi. Nəhayət 1926-cı ilin bu günü Azərbaycan Radiosu 4 saatlıq efir vaxtilə fəaliyyətə başladı.
1953-cu ildə Bakı Televiziya Mərkəzinin tikintisinə başlanıb. 3 il sonra isə Bakıda televiziya yayımı üçün polad bloklardan yığılmış ilk 180 metrlik qüllə qurulub. 1973-cü ildən başlayaraq paytaxtda televiziya verilişləri rəngli təsvirlərlə yayımlanıb.
Modern.az
