"Dağlıq Qarabağda əhalinin təbii artımı bizim prioritet hədəfimizdir”. Modern.az erməni KİV-lərinə istinadən xəbər verir ki, bu barədə separatçı rejimin “baş nazirinin müavini” Artur Aqabekyan bildirib. Onun sözlərinə görə, Laçın və Kəlbəcər rayonlarına dünya ermənilərini köçməyə həvəsləndirmək üçün güzəştlər, o cümlədən torpaq sahələri hədiyyə olunacaq.
Aqabekyan bildirib ki, bu məqsədlə dekabrın 28-də ümumerməni lotereyasının tirajı oynanılacaq. Lotereyanın uduşunda Xankəndində evlər, toxunma xalçalar, yollayış vərəqəsi və s. var. Satışa 300 min bilet çıxarılacaq ki, bir biletin qiyməti 5 dollar olacaq.
“Lotereyada iştirak edən hər bir erməni Qarabağın məskunlaşdırılmasında iştirak edəcəyini dərk etməlidir”, – deyə Artur Aqabekyan çıxışını yekunlaşdırıb.
Vüqar İsmayılov
