Avropa İttifaqının genişlənmə üzrə komissarı Oliver Varheyli Gürcüstanın baş naziri İrakli Kobaxidze ilə telefon danışığında Slovakiyanın baş naziri Robert Fitsoya qarşı sui-qəsd cəhdini xatırladığını təsdiqləyib.
Modern.az "Kommersant"a istinadən xəbər verir ki, Avropa komissarı əmin edib ki, onun sözləri təhdid deyil.
Komissar söhbətin bir hissəsinin kontekstdən çıxarılmasından təəssüfləndiyini bildirib: “Mən Baş nazirin diqqətini Tiflis küçələrində daha da qütbləşməyə səbəb ola biləcək qanun qəbul etməklə onsuz da çox kövrək olan vəziyyəti daha da gərginləşdirməmək zərurətinə cəlb etdim. Bu kontekstdə mən Slovakiyada baş vermiş faciəli hadisəni qeyd etdim”, - avropalı diplomat deyib.
