Özbəkistanın paytaxtı Daşkənddə yeni tikilən Respublika İxtisaslaşdırılmış Onkologiya və Radiologiya Elmi-Praktik Tibb Mərkəzində işləmək üçün mütəxəssislər tələb olunur.
Modern.az "Kun.uz"a istinadən xəbər verir ki, bununla bağlı Atom Enerjisi üzrə Beynəlxalq Agentlik (AEBA) və Özbəkistan hökuməti arasında əməkdaşlıq sazişi imzalanıb.
Sənəd AEBA Baş Konfransının 68-ci sessiyasında agentliyin baş direktoru Rafael Qrossi və Özbəkistanın səhiyyə naziri vəzifəsini icra edən Asilbek Xudoyarov tərəfindən imzalanıb.
“Bu layihə onkoloji xəstəliklərin müasir diaqnostikası və müalicəsi üsullarının tətbiqinə xidmət edəcək və nəticədə Özbəkistanda onkoloji xidmətin keyfiyyətini və səmərəliliyini artıracaq. Biz ikitərəfli əməkdaşlığı daha da genişləndirməyə hazırıq”, - deyə Qrossi vurğulayıb.
