Türkiyənin Şanlıurfa vilayətinin Suruç rayonunda dəhşətli bomba partlaması nəticəsində 30 nəfər həyatını itirib, ən azı 100 nəfər yaralanıb. Modern.az-ın Türkiyə KİV-nə istinadən verdiyi xəbərə görə, hücum sonrası dəhşətli görüntülər ortaya çıxıb. Hücumu bir canlı bombaçının-kamikadzenin t'.kil etdiyi qeyd olunur. Bölgəyə Diyarbəkirdən çox sayda quru və hava sanitar maşını gətirilib.
Hücumu İraq-Şam İslam Dövləti (İŞİD) terror təşkilatının təşkil edə biləcəyi ehtimal kimi irəli sürülür. Suruç bələdiyyəsinin avtomobillərindən isə vətəndaşların çay bağçası ətrafını azad etməsi tələb olunaraq “ikinci bomba ola biləcəyi” anonsu verilib.
Modern.az
