Nijni Novqorodda 6 uşağının və həyat yoldaşının amansızcasına qətlində şübhəli bilinən kişi öz anasını da öldürüb. Modern.az-ın Rusiya KİV-nə istinadən verdiyi xəbərə görə, Oleq Belovun Vladimirski vilayətinin Qoroxovtse rayonunda yaşayan anasının evinin yanındakı ərazidə xalata bükülən qalıqlar aşkarlanıb. Hüquq-mühafizə orqanlarındakı mənbənin bildirdiyinə görə, bu, uşaqlarının və həyat yoldaşının qatili olan atanın anasının bədəninin hissələridir.
Bu gün məlum olub ki, Oleq Belov Nijni Novqorodda 6 azyaşlı övladını və həyat yoldaşının amansızcasına qətlə yetirib. İyulun 25-dən uşaqlar uşaq bağçasına getməyiblər, bu haqda polisə uşaq bağçasının işçiləri xəbər veriblər. Ailənin yaşadığı mənzilin qapısını heç kim açmayıb. Sonradan mənzildə parçalanaraq selofanlara bükülən meyitlər aşkarlanıb.
Modern.az 
