Dekabrın 24-də 2024-cü ilin idman yekunlarına həsr olunan mərasim keçirilib. Mərasimdə ölkə başçısı bəzi idmançılara mənzil hədiyyə edib. Onlardan biri də Azərbaycan Kunq-fu Federasiyasının baş məşqçisi, idman eksperti Anar Süleymanovdur.
Modern.az idmançı ilə hömsöhbət olub.
Onun sözlərinə görə, dekabrın 21-də Türkiyənin İstanbul şəhərində keçirilən peşəkar döyüşdə qalib olub:
“22 dekabrda vətənə qayıtdım, 23 dekabrda isə Çin Döyüş Növləri Assosiasiyasının Prezidenti Asif Sayadov zəng edərək bildirdi ki, 24 dekabrda cənab Prezident İlham Əliyev bizimlə görüşəcək”.
A.Süleymanlı bildirib ki, bu onun üçün gözlənilməz olub:
“Çünki il müraciət belə etməmişdik, ötən illərdə etsək də ,bu il belə bir müraciətimiz olmamışdı. Hazırlıqsız idim, mənə mənzil veriləcəyini gözləmirdim".
O qeyd edib ki, gələcəkdəki hədəfləri bu sahədə həm bir məşqçi, həm də idmançı kimi xidmətini davam etdirməkdir:
"Hər şeyə görə başda cənab Prezidentimiz olmaqla Gənclər və İdman Nazirliyinə, Çin Döyüş Növləri Assosiasiyasına, Kunq-fu Federasiyasının Prezidenti Nurlan Aslanova təşəkkür edirəm".
