Azərbaycanda erkən nikah hallarının qarşısının alınması üçün qanunvericilik təkmilləşdirilib, artıq 18 yaş nikah yaşı olaraq müəyyən edilib və bundan əvvəlki istisnalar ləğv olunub.
Buna baxmayaraq ölkəmizdə hələ də erkən nikaha cəhd edən şəxlərə rast gəlinir.
Modern.az məsələ ilə əlaqədar Ailə, Qadın və Uşaq Problemləri üzrə Dövlət Komitəsi ilə əlaqə saxlayıb.
Qurumdan verilən məlumata görə, 2025-ci ilin ilk 3 ayı ərzində Dövlət Komitəsinə, eləcə də Komitənin tabeliyində olan Uşaq və Ailələrə Dəstək Mərkəzləri tərəfindən aidiyyəti qurumların nümayəndələrinin iştirakı ilə 8 erkən evlilik halının qarşısı alınıb.
Erkən nikaha cəhd edən 3 Qəbələ və Ağdam sakini olub, eyni zamanda Zərdabda, Goranboyda, Kürdəmirdə və Bərdədə də oxşar hadisələr baş verib. Bütün hallarda erkən evlilik halının qarşısı alınıb.
