Pivə istehsalı ilə məşhurlaşan "Carlsberg Azerbaijan” MMC cərimələnib.

Modern.az-ın əldə etdiyi məlumata görə, şirkət barəsində İnzibati Xətalar Məcəlləsinin 192.1-ci (Azərbaycan Respublikasının Əmək Məcəlləsində nəzərdə tutulmuş qaydada əmək müqaviləsi (kontraktı) hüquqi qüvvəyə minmədən işəgötürən tərəfindən fiziki şəxsləri hər hansı işlərin (xidmətlərin) yerinə yetirilməsinə cəlb edilməsinə görə) maddəsi ilə tərtib edilən inzibati protokol tərtib edilib.

Şirkət barəsində Azərbaycan Respublikasının Əmək və Əhalinin Sosial Müdafiəsi Nazirliyi yanında Abşeron Xızı regional şöbəsinin 2024-cü il tarixli inzibati xəta haqqında protokol əsasında başlanmış inzibati xəta tərkibi olmadığına görə inzibati xəta haqqında iş üzrə icraata xitam verilməsi qərara alınıb.

Qərardan narazı qalan qurumun nümayəndəsi şikayəti verərək Abşeron Rayon Məhkəməsinin 06 fevral 2025-ci il tarixli, qərarının ləğv edilməsi və şirkətin inzibati məsuliyyət cəlb olunması barədə qərar qəbul edilməsini xahiş edib.

Sumqayıt Apellyasiya Məhkəməsinin qərarı ilə Abşeron Rayon Məhkəməsinin 06 fevral 2025-ci il tarixli, qərarı ləğv edilərək iş üzrə yeni qərar qəbul edilib.  Nəticədə "Carlsberg Azerbaijan” barədə Azərbaycan Respublikası İnzibati Xətalar Məcəlləsinin 192.1-ci maddəsi ilə təqsirli bilinsin və barəsində inzibati tənbeh növü olaraq 20000 (iyirmi min) manat məbləğində cərimə tətbiq edilib.