Prezident İlham Əliyev sabah Türkiyəyə səfər edəcək.
Modern.az xəbər verir ki, bu barədə Türkiyə Prezident Administrasiyasının Kommunikasiya İdarəsinin rəhbəri Fahrettin Altun sosial media hesabında paylaşım edib.
O qeyd edib ki, İlham Əliyev Prezident Rəcəb Tayyib Ərdoğanın dəvəti ilə 19 iyun 2025-ci ildə Türkiyəyə səfər edəcək.
"Səfər çərçivəsində möhtərəm Prezidentimiz və Azərbaycan Prezidenti İlham Əliyevin iştirakı ilə 2023-cü ilin fevralında ölkəmizdə baş vermiş zəlzələdən sonra Türkiyə və Azərbaycan tərəfindən Kahramanmaraşda “Azərbaycan Məhəlləsi” adı ilə tikilən daimi yaşayış evi layihəsinin açılış mərasimi keçiriləcək", - Altun qeyd edib.
Onun sözlərinə görə, səfər zamanı cari regional inkişaflar, o cümlədən Türkiyə ilə Azərbaycan arasındakı əlaqələrə dair fikir mübadiləsinin aparılması nəzərdə tutulur.
