Modern.az

Deputat Bakıdakı tıxaca görə iş saatını dəyişməyi TƏKLİF ETDİ

Deputat Bakıdakı tıxaca görə iş saatını dəyişməyi TƏKLİF ETDİ

Parlament

30 Dekabr 2021, 11:25

“İndi Bakı şəhərində pik saatı anlayışı yoxdur, istənilən saatda tıxacda qalırsan”.

 

Modern.az-ın məlumatına görə, bunu Milli Məclisin bu gün keçirilən iclasında deputat Fazil Mustafa deyib.

 

Deputat bildirib ki, aidiyyəti qurumların 2022-ci ildə bu problemin necə həll olunacağını insanlara izah etməsini gözləyir:

 

“Biz intellektual idarəetmə əvəzinə cərimə yığma yolunu seçdik. Nə parklanma məsələsi həll oldu, nə tıxac məsələsi öz həllini tapdı. Saat 9-da işə başlayan məmur saat 7-də evdən çıxır ki, işə gecikməsin. Bakı şəhərini necə yüngülləşdirək ki, insanlar tıxacda bu qədər vaxt itirməsin?! Bu problemin həlli üçün insanlara konkret yol xəritəsi təqdim olunmalıdır. 4 saat tıxacda qalmaq iqtisadiyyata nə qədər ziyan vurur”.
 

Deputat Razi Nurullayev həmkarının fikirlərinə şərik çıxıb. O qeyd edib ki, insanlar saatlarla yolda qalırlar: 

“Bunun üçün müxtəlif dövlət qurumlarında iş saatının vaxtını dəyişdirmək olar. Məsələn, Finlandiyada insanlar iş saatını özü seçir. Əsas odur ki, iş saatında öz işini yerinə yetirə biləsən”.

Youtube
Kanalımıza abunə olmağı unutmayın!
Keçid et
Sərhəddə atışma oldu, erməni hərbçi belə öldürüldü