Cəmiyyətimizin aparıcı qüvvəsi olan gənclərin inkişafı vəonların dövlətimiz üçün əhəmiyyətini vurğulayaraq qeyd etmək istəyirəm ki, gənclər hər bir ölkənin gələcəyini müəyyən edən əsas sütunlardan biridir.
Modern.az xəbər verir ki, bunu deputat, Milli Məclisin Gənclər və İdman komitəsinin üzvü Mahir Süleymanlı parlamentin bu gün keçirilən plenar iclası zamanı deyib.
“Azərbaycan gənclərinə göstərilən yüksək dəyərin ən parlaq nümunələrindən biri də MDB məkanında və Şərqi Avropa ölkələri arasında ilk dəfə məhz Azərbaycanda qeyd olunan Gənclər Günüdür. Bu əlamətdar gün Ümummilli lider Heydər Əliyevin 1997-ci il 2 fevral tarixli Fərmanı ilə təsis edilib.
Ulu Öndər hər zaman Azərbaycan gəncliyini dövlətin ən böyük sərvəti kimi qiymətləndirib və onları müasir, intellektual və vətənpərvər nəsil kimi görmək istəyib. Onun "Hər bir Azərbaycan gənci hər şeydən çox, hər şeydən artıq müstəqil Azərbaycanın bu günü və gələcəyi haqqında düşünməlidir" fikri bu siyasətin təməl prinsipi olub”.
Bu gün Prezident İlham Əliyevin rəhbərliyi altında dövlət gənclər siyasəti uğurla həyata keçirilir:
“”Azərbaycan gəncliyi 2011-2015-ci illərdə”, “Azərbaycan gəncliyi 2017-2021-ci illərdə” Dövlət Proqramları, “2015-2025-ci illərdə Azərbaycan gənclərini nİnkişaf Strategiyası”, həmçinin “Gənclərin xarici ölkələrin nüfuzlu ali təhsil müəssisələrində təhsil almalarına dair 2022-2028-ci illər üçün Dövlət Proqramı” ardıcıl və uğurlaicra olunur.
Eyni zamanda, Birinci vitse-prezident Mehriban xanımƏliyevanın gənclərin təhsil, mədəniyyət və idmansahəsində inkişafına verdiyi dəyərli töhfələr xüsusilə qeydolunmalıdır. Ölkədə innovasiya və startap ekosistemininsürətlə genişlənməsi, gənclərin elm və texnologiyasahəsində irəliləməsi, beynəlxalq arenada təmsilçiliyi, nüfuzlu ali məktəblərdə təhsil almaları və mədəni irsimizindünyada tanıdılması üçün geniş imkanların yaradılması bu sahədə atılan mühüm addımlardır. Bu addımlar, gənclərin potensialını reallaşdırmağa və onları qlobal səviyyədə uğurlu nümayəndələrə çevirməyə imkan verir. Sosial layihələr vasitəsilə aztəminatlı ailələrdən olan istedadlı gənclərə dəstək göstərilməsi, məşğulluğun artırılması və idmana marağın yüksəldilməsi isə bu inkişaf prosesini daha da gücləndirir”.
Çıxışını gənclərə olan inamla yekunlaşdıran Mahir Süleymanlı bildirib ki, Azərbaycan gəncləri də öz potensiallarını ölkənin inkişafına yönəldəcək, müstəqil və güclü Azərbaycanın gələcəyi naminə üzərilərinə düşən vəzifələrin öhdəsindən layiqincə gələcəklər.
