İtaliya və Azərbaycan arasında iqtisadi, mədəni və siyasi sahələrdə yüksək səviyyəli əməkdaşlıq mövcuddur. Rəsmi Bakı və Roma enerji sahəsində məhsuldar tərafdaşlıq mühiti formalaşdırıb.
Bunu Modern.az-a açıqlamasında Milli Məclisin Azərbaycan-İtaliya Parlamentlərarası İşçi Qrupunun üzvü Günay Ağamalı bildirib.
O, italiyalı deputatların ölkəmizə səfərinin səbəblərindən danışıb:
"Azərbaycan-İtaliya parlamentlərarası əlaqələrinin iki ölkə arasında iqtisadi və siyasi dialoqun inkişafına müsbət təsiri xüsusilə qeyd olunmalıdır. Azərbaycan ərazilərinin 30 il müddətində işğalda olduğu dövrdə İtaliyanın ölkəmizə göstərdiyi dəstək münasibətlərimizdə xüsusi diqqət çəkən məqamlardandır.
Səfər Azərbaycan-İtaliya münasibətlərinin dərinləşdirilməsinə və hər iki ölkənin parlamentləri arasında dostluq əlaqələrinin daha da möhkəmlənməsinə xidmət edir".
Deputat azərbaycanlı deputatların yanvarın 20-dəki İtaliya səfərini də xatırladıb.
