Modern.az

Ağdərədə ilk dəfə buraxılış imtahanı keçiriləcək -  32 ildən sonra...

Ağdərədə ilk dəfə buraxılış imtahanı keçiriləcək -  32 ildən sonra...

28 Fevral 2024, 16:38

Martın 3-də Ağdərə rayonu Talış kənd tam orta məktəbində buraxılış imtahanı keçiriləcək.

 

Dövlət İmtahan Mərkəzindən Modern.az-a bildirilib ki, bu, işğaldan azad olunmuş Ağdərə rayonunda təşkil ediləcək ilk imtahandır. Hazırda imtahanlarda iştirak edəcək nəzarətçilər, imtahan rəhbərləri, mühafizə əməkdaşları ilə təlim-seminarlar keçirilir.

 

Qeyd edək ki, martın 3-də Dövlət İmtahan Mərkəzi tərəfindən Bakı şəhərinin Qaradağ, Binəqədi, Xətai, Suraxanı, Pirallahı, Yasamal rayonlarında, Abşeron, Gəncə - 1, Goranboy, Göygöl, Naftalan, Şəmkir, Gədəbəy, Şirvan, Hacıqabul, Neftçala, Salyan, Ucar, İsmayıllı, Kürdəmir, Ağsu, Zərdab, Lənkəran, Cəlilabad, Astara, Bərdə, Tərtər, Yevlax, Ağdərə (Talış kənd tam orta məktəbi), Şəki, Oğuz, Qəbələ, Xaçmaz, Siyəzən və Şabran rayonlarında, Çilov adasında yerləşən 131 nömrəli tam orta məktəbdə, eləcə də tədrisi ingilis və fransız dillərində aparılan ümumi təhsil müəssisələrinin məzunları üçün tam orta təhsil səviyyəsi üzrə buraxılış imtahanları keçiriləcək. İmtahanlarda 52267 şagirdin iştirakı nəzərdə tutulur.

Instagram
Gündəmdən xəbəriniz olsun!
Keçid et
TƏCİLİ! İranın şəhərlərinə kütləvi zərbələr edilir