“Kənara çəkilməmişik, siyasi mübarizəmizi davam etdiririk”. Bu açıqlamanı Modern.az-a Azərbaycan İslam Partiyasının (AİP) sədr əvəzi Elçin Manafov deyib. O, qeyd edib ki, hazırda siyasi əməkdaşlıqla bağlı danışıqlar 3 partiya arasında aparılır: “Ədalət Partiyasının sədri İlyas İsmayılovla görüşdük, müzakirələr apardıq. Üç partiya – Ədalət Partiyası, Yaşıllar Partiyası və Azərbaycan İslam Partiyası arasında “Vətən” Blokunun detallarını müzakirə olunur. Partiyanın Baş Məclisinin qərarından sonra blokda fəaliyyətimizlə bağlı fikirlərimizi konkretləşdirəcəyik. Bloku yaratmağımızda məqsəd gələcəkdə keçiriləcək seçkilərə ciddi hazırlaşmaqdır”.
