Sabahdan ali təhsil müəssisələrinə qəbul olunanların elektron qeydiyyatı başlanır. Tələbə adını qazanan hər kəs avqustun 28-dən etibarən elektron şəkildə qeydiyyatdan keçməlidirlər. Abituriyentlər //portal.edu.az/ platformasında “Ali və orta ixtisas təhsili pilləsinə təhsilalan qeydiyyatı” xidmətini seçərək müraciət edə bilərlər. Açılan səhifədə şəxsi və qəbul məlumatlarının təsdiq etmək, həmçinin tələb olunan sənədləri əlavə etmək mümkündür.
Modern.az qeydiyyat zamanı tələbənin təqdim etməli olduğu sənədlərin siyahısını təqdim edir:
- Orta məktəb təhsilini bitirdiyini təsdiq edən attestat
- Şəxsiyyəti təsdiq edən sənəd
- İmtiyazlı abituriyentlər üçün xüsusi sənəd
- Ödənişli əsaslarla qəbul olunan tələbələr üçün ödənişin qəbzi
- Oğlanlar üçün ilkin hərbi qeydiyyata alınma haqqında vəsiqə
- 3x4 ölçülü fotoşəkil
- Sağlamlıq haqqında arayış
Qeyd edək ki, elektron sistem üzrə qeydiyyat 6 sentyabr saat 18:00-da başa çatacaq.
Müvafiq xidmət vasitəsilə qeydiyyatdan keçməyən və təhsil müəssisəsindən təsdiq almayan şəxslər qəbul olunanların siyahısından xaric ediləcəklər.
