“Müsavat Partiyasından əməkdaşlıq təklif olundu. Əməkdaşlıq sazişinə ilkim razılığımızı vermişik”. Bunu Modern.az-a açıqlamasında “El” Hərəkatının sədr müavini, Milli Şuranın üzvü Zəfər Quliyev deyib. Onun sözlərinə görə, Müsavat Partiyasının təklifi müzakirə olunacaq: “Müsavatdakı dostlarımıza da dedik ki, təklifə hörmətlə yanaşırıq. Eyni zamanda bir təşkilat olaraq Müsavatın təklifini idarə heyətinin iclasında müzakirə etməliyik. Son qərarı həmin toplantıdan sonra verəcəyik. İdarə heyətinin toplantısı növbəti həftə keçiriləcək”.
Z. Quliyev görüşdə Milli Şura ilə bağlı da müzakirələrin aparıldığını deyib: “Müzakirələrdə ölkədə seçkidən sonrakı ictimai-siyasi vəziyyət diqqət mərkəzində olub. Ölkədəki vəziyyət və Milli Şuranı qarşısında duran vəzifələr ümumi şəkildə müzakirə olunub”.
Qeyd edək ki, dekabrın 19-da Müsavat Partiyası ilə “El” Hərəkatı rəhbərliyi arasında görüş keçirilib.
İlkin PİRƏLİ
