“Sədr aparatı qərarverici orqan deyil, sədrin fəaliyyətinin həyata keçirilməsinə yardım edən icra qurumudur”.
Bunu Modern.az-a açıqlamasında Milli Şuranın sədr aparatının üzvü Şahvələd Çobanoğlu deyib. O bildirib ki, sədr aparatında vəzifə bölgüsü aparılmayıb:
“Yaxın günlərdə sədr aparatında vəzifə bölgüsü aparılacaq. Sədr aparatına yeni şəxslərin də daxil olacağı gözlənilir. Təbii ki, buna ehtiyac duyularsa, ediləcək”.
Qeyd edək ki, Milli Şuranın sədr aparatında Oqtay Gülalıyev (hüquq müdafiəçisi), Turqut Qəmbər, Ülvi Həsənli (“Nida” hərəkatı), Şahvələd Çobanoğlu (publisist), Yeganə Hacıyeva (Müsavat başqanının müşaviri) təmsil olunurlar.
İlkin PİRƏLİ
