ANS Müstəqil Yayım və Media Şirkətinin işgüzar nüfuzuna xələl gətirən materiallar yaymış bir sıra sayt və portallar bu gün məhkəməyə verilib.
ANS MYMŞ-nın Hüquq Departamentindən ANS PRESS-ə verilən məlumata görə, həqiqətə uyğun olmayan məlumatlar yaydıqlarına görə, məhkəmədə cavab verəcək portallar aşağıdakılardır: aznews.az, ınterpress.az, azvision.az, demokratiya.info, axar.az, publika.az, presspost.az.
"Bu portalların qərəzli və əsassız məlumatları əsasında ANS-in işgüzar nüfuzuna maddi və mənəvi ziyan dəyib. Adları çəkilən portallar Azərbaycan Respublikasının qanunvericiliyinə əsasən məhkəmə qarşısında cavab verəcəklər"-deyə ANS Müstəqil Yayım və Media Şirkəti bəyan edib.
ANS Şirkətlər Qrupunun vitse-prezidenti Mirşahin Ağayev bu gün səhər bildirmişdi ki, ANS Şirkətlər Qrupu telekanalın satılması və telekanalda aparılan ixtisarlar barədə həqiqətə uyğun olmayan məlumatlar yaymış mətbu orqanları məhkəməyə verəcək.
Modern.az
